Danmarkimi kalaallit aamma malunnartitsipput
Kalaallit illuutaasa Danmarkimiittut inuiattut ullorsiorneq aamma nalliussivaat. Erfalasorput Aalborgimi ulloqeqqata siorna amuneqarpoq, ullorulernerani neqatigiittoqarpoq kiisalu Folketingimi Inatsisartunilu ilaasortaasimasoq Otto Steenholdt oqalugiarluni.
- Nunatsinnit Danmarkimut nutserartorpassuit ajornartorsiutinik amerliartuinnartunik pilersitsiortormata kalaallit politikerii inatsisartuni kommunalbestyrelsenilu ilaasortat paasitittariaqarpavut. angerlarsimaffeqanngitsut amerliartuinnarput ajornartorsiullu qaangerniarlugu Danmarkimi kommunenik pitsaanerusunik suleqateqalernissaq anguniarneqartariaqarpoq. Otto Steenholdt ilaatigut taama oqarpoq.
Aalborgimi Kalaallit Illuutaanni unnugu aamma qititsitsisoqassaaq inuillu 400-t missaanniittut ullormut takkunnissaat ilimamagineqarpoq. Københavnimi Kalaallit Illuutaanni Løvstrædemiittumi ullorsiorneq aamma malunnartinniarneqarpoq, kaffillertoqarluni. Eqqumiitsuliortoq taalliortorlu Kristian Olsen, Aaju, aamma oqalugiarpoq. Erinarsoqatigiit MIK erinarsussapput ingerlaaqatigiinnermilu Storkespringvandip tungaanut siuttuussallutik.
