Danmarkimi isertitanut pulaartartut peqatigiiffittaarput
Allattoq Jokum Nielsen
Peqatigiiffik nutaaq Kalaallit Nunatsinnut attuumassuteqarluartoq Danmarkimi pilersinneqaqqammerpoq.
Peqatigiiffimmut ilaasortat tassaapput piumassusertik tunngavigalugu kalaallinut parnaarussivinniittunut tarnimikkullu nappaateqarnertik pissutigalugu isersimatitaasunut pulaartartut.
Peqatigiiffik atserneqarpoq Nukik 30-illu missaannik ilaasortaqarluni. Peqatigiiffiup pilersinneqarneranut patsisaavoq oqaloqatigiittarfimmik pilersitsiniarneq, pulaartartut oqalliffigisinnaasaat suliaminnillu nukittorsaqatigiiffigisinnaasaat. Peqatigiiffiup anguniagassaasa ilagaat Kalaallit Nunaanni matoqqasumik isertitsiveqalernissaq, taamaalilluni piffisamik killiliifiunngitsumik isertitsisarneq pisariaqavinngissumik sivitsornissaa anguneqassammat.