Danmarkimi inuusuttuaraq toqutsisimasutut eqqartuunneqarpoq

Aalborgimi eqqartuussiviup inuusuttuaraq 16-inik ukiulik toqutsisimanera pillugu, ukiuni sisamani parnaarussassanngortikkaluariarlugu aalajangeeqqinnermi ukiuni arfineq marlunni parnaarussassanngortippaa.
oktobarip 23-at 2008 11:47

Taamani tamanit oqallisaalerpoq apeqquserneqarlunilu inuusuttut toqutsisimasut taama sivikitsigisumik pillagaasarnerat.

Vestre Landsretip suliaq suliareqqikkamiuk aalajangerpaa Popenda toqumik kingunilimmik toqutsisimanini pillugu inatsisit atuuttut tunngavigalugit 18-it inorlugit ukiulinnut pillaatigitinneqartartoq sakkortunerpaaq atuutsinneqassasoq, tassalu ukiuni arfineq pingasuni parnaarussaaneq.

Inuusuttuaraq illersuisuata ukiuni sisamani affarmilu mattusimaneqarnissaa kissaatigisimagaluarpaa.

Aalborgip arsaattarfiata eqqaani toqutsineq siorna ortuuparimi pisimavoq angut 48-nik ukiulik Henrik Bjerremand Kristensen persuttarneqarnermi kingunerisaanik toqummat.