Kalaallit Danmarkimi inuuniarnikkut ajornartorsiortut 72 %-iisa missaat ikinngutiminnik ilisarisimasaminnilluunniit ulluinnarni naapisimaaqateqartarput. Taakkulu Danmarkimi inuuniarnikkut ajornartorsiortunut allanut sanilliullutik amerlanerussuteqangaatsiarput.

Danmarkimi inuuniarnikkut ajornartorsiortut: Nunatsinnisulli ajornartorsiuteqartut

Kalaallit Danmarkimi inuuniarnikkut ajornartorsiortut nunatsinnisulli ajornartorsiutigisarsimasaminnik ilungersuuteqartartut nalunaarusiami nutaami erserpoq.

Kalaallit Danmarkimi inuuniarnikkut ajornartorsiortut imigissamik atornerluineq ikiaroornartumillu hashimik atornerluineq ajornartorsiutigisartagaasa ilagaat. Sisamaagaangata pingasut ikiaroornartumik hashimik ukioq manna atornerluisuupput, tallimaagaangatalu marluk imigassamik atornerluisuullutik.

Tamanna Statens Institut for Folkesundhedip nalunaarusiaani nutaajusumi inuuniarnikkut ajornartorsiortut pillugit siunnersuisooqatigiinnit iminneqarsimasumi erserpoq.

Nalunaarusiami allassimasut naapertorlugit ilaatigut ikiaroornartoq hashi imigassarlu nunatsinni innuttaasut peqqissussaannut akimmisaartitsisartutut ilisimaneqarluartuupput. Peqqissutsikkut ajornartorsiutit taakku kalaallit Danmarkimi inuuniarnikkut ajornartorsiortunit aamma atugaapput.

AAMMA ATUARUK Kalaallit Danmarkimi inuuniarnikkut ajornartorsiortut pingasuugaangata ataaseq nakuuserfigineqartartoq

Inuuniarnikkullu ajornartorsiortut affangajaat tassa 47 %-ii imminut toqoriarnikuusimammata nunatsinni imminorsimasut amerlaqatigipajaarpaat.

Kalaallilli Danmarkimi inuuniarnikkut ajornartorsiortut kulturikkut tunuliaqutaat ilaquttanik ikinngutinillu ataatsimuualaaqateqarnermik pingaartitsinerannik allaaveqartuunera nalunaarusiami oqaatigineqarmat aamma nuannaarutissaavoq.

Kalaallit Danmarkimi inuuniarnikkut ajornartorsiortut 72 %-iisa missaat ikinngutiminnik ilisarisimasaminnilluunniit ulluinnarni naapisimaaqateqartarput. Taakkulu Danmarkimi inuuniarnikkut ajornartorsiortunut allanut sanilliullutik amerlanerussuteqangaatsiarput.

Kalaallillu Danmarkimi inuuniarnikkut ajornartorsiortut amerlanerpaartaat ininut kialaarfinnut ornittakkanullu sapaatit akunnerannut ikinnerpaamik ataasiarlutik orniguttarput.

AAMMA ATUARUK 1800-ngajaat aningaasaatikilliortut

Jann Sjursenip inuuniarnikkut ajornartorsiortut pillugit siunnersuisooqatigiinni siulittaasuusup nalunaarusiamut tunngatillugu tusagassiuutinut nalunaaruteqarnermini oqaatigaa, assigiinngissutsit nalunaarusiami saqqummiunneqarsimasut kalaallit Danmarkimi inuuniarnikkut ajornartorsiortut inuuniarnikkut ajornartorsiortunut allanut neqeroorutigineqartartunit sullisseriaatsinillu allaanerusunik neqooruteqarfigineqartalernissaannut sullisseriaaseqartoqartalernissaanullu isumaliuteqartoqarnissaannut tunngavineqaratarsinnaasut.

Kalaallit Danmarkimi inuuniarnikkut ajornartorsiortut peqqissusaat, napparsimakulanerusarnerat atugaallu pillugit misissuisitsinermut atatillugu nalunaarusiaq nutaaq inuuniarnikkut ajornartorsiortut pillugit siunnersuisooqatigiinnit Borups Højskolemi Københavnimiittumi aqagu ataatsimeersuarnermi saqqummiunneqassaaq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat