Danmarkimi inupiluit peqqarniilliartorput

Danmarkimi najugaqalersimasut nunani allamiunit kingoqqisuusut, sakkortuuliorlutik inupiluusertarnerat sakkortusigaluttuinnarpoq, taama aviisi Berlingske Tidende allaaserinnippoq. Sumiiffiit ilaanni inupiluit illoqarfinni imerniartarfinnut neriniartarfinnut qitigiartarfinnullu mafiat pissusaat ilaarlugit illersuutissatut aningaasanik piumasaqartalersimapput.

Hotel-it peqatigiiffiata 3F Hotel & Restauration-ip siulittaasua Jan Mathisen oqaluttuarpoq, pinngitsaaliillutik aningaasanik piumasaqartartut takusarsimallugit.

- Nalunngilarput taamatut pisoqartartoq, siornatigut rockerit taamatut pisarsimapput, maannakkulli inipiluaqqat taamaaliortalersimapput. Illoqarfinni anginerni tamanna ajornartorsiutaanerusarpoq, aammalu aliikkusiarfinnik piginnittuusut sulisullu taamatut pisoqaraangat ajorluinnartumik pineqarnissaq annilaangagalugu politiinut nalunaarutiginninnissaq pinngitsoortittarpaat. Jan Mathisen oqarpoq.

Nuannaariartarfinnik piginnittut aningaasanik akiliinngikkaangata, aserorteriffigiartorneqartartut Berlingske tidende allaaserinnippoq, Rigspolitiineersorlu Frank Jensen oqarpoq, taamatut pisoqartarnera tusaamaannarini, nalunaarutiginnittoqartarsimanngitsorli.