Danmarkimi imigassartornerujussuaq WHO-mit iliuuseqarfigeqquneqarpoq

Imigassanut akitsuutit qaffanneqarnissaat, aatsaallu 18-ileereersimagaanni immiaaqqanik viinninik imigassanillu pisisinnaatitaasalernissaq Naalagaaffiit Peqatigiit peqqissuunissaq pillugu suleqatigiiffiata, WHO-p, Danmarkimi naalakkersuisunngortussanut kaammattuutigaa.
Allattoq Carla Davidsen
septembarip 21-at 2011 10:02

Europami suliassanut pilersaarutinut, Europami - Danmarkimi minnerunngitsumik - imigassamik ajornartorsiuteqarnerup qaangerniarneqarnissaa - WHO-p akuereqqammissaanut, kaammattuut ilaalluinnarpoq. Danmarkimimi inuusuttut imigassartornerujussuat rekordiliiuaannarpoq.

- Europami rekordi taanna avaanngunaqisoq, immaqaluunniimmi nunarsuaq tamakkerlugu rekordiusoq, Danmarkip pigiinnarusunngikkuniuk, imigassamik atuinerup suli annertuumik killilersorneqarnissaanut tunngavissaqarluarpoq, WHO-p Europami allaffeqarfiani Københavnimiittumi pilersaarusiornermut pisortaq, Lars Møller, Danmarkip Radioani Nutaarsiassanut oqarpoq.

Naalagaaffiit Peqatigiit peqqissuunissaq pillugu suleqatigiiffiata kaammattuutaa Radikalinit tapersersorneqarpoq, partiimilu anguniakkaminni oqarlutik immiaaqqat viinnillu akitsuutaat marloriaatinngortinneqarsinnaasut, taamaalilluni immiaaraq nalinginnaasoq soorlu 77 oorimik akitsussalluni.

Nerisassat peqqinnanngitsut akitsuuserneqarnissaat Socialdemokratit SF-illu anguniagassatut siunnersuutiginikuuvaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq