Danmarkimi coronamik tunillatsissimasutut ullup ataatsip ingerlanerani uppernarsarneqartut 454-iupput.Assi: Scanpix

Danmarkimi imerniartarfiit neriniartarfiillu unnukkut qulinut maanna matusassasut

Danmarkimi imerniartarfiit neriniartarfiillu unnukkut qulinut matusassapput, Danmarkilu tamakkerlugu katerinnissamut amerlanerpaamik inuit 50-iinnaasinnaatinneqalerput.

Coronavirusi Danmarkimi ulluni kingullerni tuniluummat inuiaqatigiinni killilersuisoqalersoq, ministeriunerup Mette Frederiksenip tusagassiortunut ullumi sassarami oqaatigaa.

Killilersuinerilli aqagumiit atuutilersussat martsip qaammataani killilersuinernit sakkukinnerussasut taanna aamma oqarpoq. Danmarkimi inuiaqatigiit taamani matuneqarpoq.

Neriniartarfiit nerilunniartarfiillu unnuap qeqqanut matusaraluartut, aqagumiit unnukkkut qulinut matusalissapput.

Danmarkimi tunillaassuuttoqarnera siammariartortoq

Danmarkimimi tunillaassuuttoqarnera siammariartorpoq. Coronamik tunillatsissimasutut ullup ataatsip ingerlanerani uppernarsarneqartut 454-iusut, Statens Serum Institutimit kisitsisit takutippaat. Tunillatsissimasutut uppernarsarneqartut aatsaat taama amerlatigisut ippassaq paasineqarput. Ippassaq misissorneqartut 453-it tunillatsissimapput pingasunngornermilu 369-it tunillatsissimasutut uppernarsarneqarput.

Mette Frederiksenillu angerlarsimaffimmiit sulisinnaasut tamarmik angerlarsimaffimmit sulinissaat kaammattuutigaa, napparsimmavinnilu utoqqaat illuinilu killilersuinerit atuutilerseqqillugit.

Killilersuinerit innersuussutillu septembarip ulluisa 19-iannit oktobarip ulluisa sisamaat ilanngullugu atuukkallassapput.

Isummersuutit

Coronavirusimik tunillatsinissaq pinaveersaaruk

Nunatsinni coronavirusi pillugu killiffik

  Misissorneqareersimasut 10353
  Tunillanneqarsimasut
17
  Peqqisseqqittutut nalunaarutigineqartut 16
  Napparsimavimmi uninngasut 0
  Anersaartuuteqartitaasut 0
  Toqquteqartut 0
Takuuk: nun.gl Nunatsinni Nakorsaaneqarfik
  Nutarterneqarpoq
  oktobarip 23-at 2020 nal. 10:45