Danmarkimi ilinniartut qinerseqataassapput
Kommunenut qinersinermut inatsit Inatsisartut qanittumi akueraat tassanilu aalajangiunneqarpoq apriilip aappaani kommunenut qinersisoqassasoq.
Inatsisip nutarsarnerani kommunalbestyrelsenut, ilagiit sinniisaannut aamma nunaqarfinni aqutsisunut qinersinermi malittarisassat allannguallapput.
Inatsit nutaaq malillugu kalaallit Danmarkimi ilinniartut kommunabestyrelsemut qinerseqataasinnaanngortut, Namminersorlutik Oqartussat nalunaarput.
Taamatuttaaq napparsimasut nunatta avataani suliaritittut innuttaasullu allat nunatta avataaniikkallartut qinerseqataasinnaassapput.
Taakku allakkatigut qinersisinnaanerat januaarip aallaqqaataani 2013-mi ammassaaq siornatigut qinersinissaq sapaatit akunnerinik arfinilinnik sioqqullugu allakkatigut taasisinnaaneq aatsaat ammartaraluartoq, Namminersorlutik Oqartussat nalunaarput.
