Danmarkimi ilinniartut ilinniakkaminnik taamaatitsiinnartarnerat ministerip misissorumagaa
Nunatsinni ilinniagaqartut Danmarkimi ilinniakkanut ingerlaqqittarnerat pillugu Folketingip Kalaallit Nunaannut tunngasunut ataatsimiititaliaani ullumi marlunngornermi isumasioqatigiittoqarnerani taama ilisimatitsivoq.
Kalaallit Danmarkimi ingerlaqqiffiusumik ilinniagaqartut 27 procentii ilinniarnerminni ukiumi siullermi ilinniakkaminnik taamaatitsiinnartarput.
AAMMA ATUARUK Inuusuttut nunatsinni ilinniarusuttut
Danmarkimi inuusuttunut naleqqiutissagaanni, danskit inuusuttut 16 procentii ilinniarnerminni ukiumi siullermi taamaatitsiinnartarput. Taamatullu assigiinngissuteqartoqarnera ajornartorsiutaasoq, Tommy Ahlersip nassuerutigaa.
- Taamaatitsiinnartartut amerlassusaat qiviaannarlugit nalunanngilaq: Taamaatitsiinnartartut amerlavallaarput.
Inuusuttut sapinngisamik amerlanerpaat, aamma nunatsinneersut Savalimmiuneersullu, Danmarkimi ilinniakkaminnik naammassinnittarnissaat danskit naalakkersuisuisa anguniagaraat.
AAMMA ATUARUK Kalaallit inuusuttut tikilluaqqunerusariaqarpagut
Taamaammat ministeri inuusuttut nunatsinneersut Danmarkimi ilinniakkaminnik taamaatitsiinnartarnerannut suna pissutaanersoq paasiniarlugu misissuititsiniarpoq.
- Tamatuma saniatigut kalaallit ilinniagaqartut taamaatitsiinnartarnerannut suna pissutaarpiarnersoq paasiniarlugu amerlassusaat tunngavigalugu misissueqqissaarineq aamma aallartissavarput. Oqaatsit ajornartorsiutaanerpaappat?
Ulluinnarni atukkat pissutaappat? Ineqarneq pissutaava? Tommy Ahlers isumasioqatigiinnermi oqarpoq.
Misissuineq ukiap ingerlanerani naammassineqassaaq.
AAMMA ATUARUK Inatsisilerinermik ilinniarfik nunatsinnut iluaqutaassasoq
