Inuit 4978-it tunillatsissimasutut uppernarsarneqartut Statens Serum Institutip marlunngornermi paasissutissiissutigaa. Taakku ataasinngornermi naatsorsuinermut sanilliullugit 297-inik amerliarnerupput.Assi: Niels Christian Vilmann/Ritzau Scanpix

Danmarkimi coronavirusimik toqquteqartut maanna 203-usut

Coronamik tunillatsissimasut napparsimmavinnut unitsinneqartut ikiliartorput. Taakku marlunngornermi ullut arfinilissaannik ikilipput.

Coronavirusimik tunillatsissimallutik napparsimmavimmut unitsinneqartartut ikiliartortut coronamik tunillatsissimanermi kingorna toqusut suli amerliartorput.

Inuit timiminni viruseqarlutik toqusut marlunngornermi 203-nngorput. Taakku ataasinngornermit 16-inik amerlanerupput, Statens Serum Institutimit kisitsisit tamanna takutippaat.

Toqusut amerlasuut ilungersunartumik nappaateqareersut coronavirusimik ilumut toqquteqarnersut qulakkeerlugu oqaatigineqarsinnaanngilaq.

AAMMA ATUARUK Ukioq manna Roskilde Festivalertitsinissaq taamaatinneqartoq

Napparsimmavimmut unitsinneqartut amerlassusaannut atatillugu taakku marlunngornermi 472-iupput. Taakkulu ataasinngornermut sanilliullugit 31-nik ikinnerullutik. Napparsimmavimmut unitsinneqartut ullut arfinilissaannik ikilipput.

Peruluttunut uninngaviinut innartinneqartut aamma ikiliartorput.

Napparsimmavimmi uninngasunit 472-init 127-t peruluttut uninngavianniipput. Taakku ataasinngornermit 12-init ikinnerupput.

Tamatuma saniatigut peruluttut uninngavianniittut anersaartuummik atortulerneqartariaqartut aamma ikilipput.

Taakku ataasinngornermi 108-sut marlunngornermi 103-upput.

AAMMA ATUARUK Danskit naalakkersuisuisa Danmark poorskip kingorna arriitsumik ammariartoqqinniaraat

Inuillu virusimik tunillatsissimasut maannali peqqisseqqittut aamma amerliartornerat nutaarsiassatsialaavoq.

Peqqisseqqittutut nalunaarutigineqartut marlunngornermi 1491-iupput. Taakku ataasinngornermut sanilliullugit 113-inik amerlanerupput.

Inuit 4978-it tunillatsissimasutut uppernarsarneqartut Statens Serum Institutip marlunngornermi paasissutissiissutigaa. Taakku ataasinngornermi naatsorsuinermut sanilliullugit 297-inik amerliarnerupput.

Misissugassamik tigusiffigineqartut amerliartorput. Inuit 51.544-t virusimut maannamut misissorneqarsimapput. Taakkulu ataasinngornermit 4204-nik amerlanerullutik.

AAMMA ATUARUK Eksamener i 9. og 10. klasse i Danmark er aflyst

Ersiuteqartut tamarmik misissorneqarneq ajorput, taamaammat coronamik tunillatsissimasut amerlanerungaatsiarnissaat ilisimagineqarpoq.

Statens Serum Institutimit kisitsisit Danmarkimit, Savalimmiunit Kalaallit Nunaanniillu kisitsisaataapput.

/ritzau/

Isummersuutit