Coronamik tuniluuttoqarnerani peruluttut uninngavianut unitsinneqartut siullermeertumik ikilipput. Tallimanngornermi peruluttut uninngavianniittut 143-pput. Taakkulu sisamanngornermut sanilliullugu qulinik ikinnerullutik.Assi: Claus Bech/Ritzau Scanpix

Danmarkimi coronavirusimik toqquteqartut 139-nngortut

Danmarkimi coronamik tunillatsissimasut napparsimmavimmut unitsinneqartut ullut aappassaanik ikilipput, sapaatip-akunneralu tamaat allanngorarsimanani.

Danskit coromamik tunillatsissimallutik tamatumanik toqquteqartut amerliartuinnavipput.

Toqusut tallimanngornermi 139-nngorput. Tamannalu sisamanngornermi 123-usunit amerleriarnerulluni. Statens Serum Institut paasissutissiivoq.

Toqusut amerlassusaat tallimanngornerup ullaavani arfineq-pingasunut tungaanut kisitaapput.

Naak toqusut 139-t coronamik tunillatsissimallutik toqugaluartut virusi toqqutaasutut pissutaasariaqanngilaq.

Taakkumi coronavirusimik tunillatsinnerminnit ullut 30-t iluanni toqugunik coronavirusimik toqquteqartunik naatsorsuinermut ilaatinneqartarput.

AAMMA ATUARUK Danmarkimi coronavirusimik toqquteqartut 123-nngortut

Toqusut amerliartornerat ilutigalugu napparsimmavimmut unitsinneqartut ullut aappassaanik ikiliartorput. Danmarkimi coronamik tunillatsissimasut 517-it napparsimmavimmut unitsinneqarsimapput.

Coronamik tuniluuttoqarnerani peruluttut uninngavianut unitsinneqartut siullermeertumik ikilipput. Tallimanngornermi peruluttut uninngavianniittut 143-pput. Taakkulu sisamanngornermut sanilliullugu qulinik ikinnerullutik.

Tamatuma saniatigut napparsimasut anersaartuuteqartut 138-nit 116-inut ikilipput, tamatumanilu nunap immikkoortuani Sjællandimi nunallu immikkooruani illoqarfiit pingaarnersaanni naatsorsueriaaseq nunap immikkoortuini allani atorneqartumit allaanerusimanera pissutaavoq.

Nunap immikkortuani taakkunani marlunni coronamik napparsimasut piffissap ingerlanerani anersaartuuteqarsimasut tamarmik naatsorsuinermi ilaatittarsimagaluarpaat.

Napparsimasullu piffissami matumani anersaartuuteqartut kisimik maanna kisinneqartalissallutik. Tamanna sisamanngornermi tallimanngornermi ikileriarnermut nassuiaataavoq.

AAMMA ATUARUK Tamaat isigalugu: Coronavirus pillugu killiffik

Toqusunit 139-nit 93-it angutaapput 46-llu arnaallutik, toqusullu amerlanerpaartaat 70-it sinnerlugit ukioqarput.

Toqusut 84 procentii ilungersunartumik nappaateqarnertik soorlu sukkortuunertik, kræftimik nappaateqarnertik, pualluutigiuakkamik napparsimanertik, uummallunnertik aammikkulluunniit nappaateqarnertik pissutigalugu napparsimmavimmi ukiuni tallimani kingullerni uninnganikuusimapput.

/ritzau/

Isummersuutit