Danmarkimi coronavirusimik allaanerusumik tunillatsissimasut 86-it paasineqarput
Danskit coronavirusimik allaanerusumik tuniluutianerusumik tunillatsissimasut sapaatit akunnerini kingullerni amerliartorput.
Statens Serum Institutsip kisitsisaatai naapertorlugit maanna tunillatsittut 86-it nalunaarsorneqarsimapput.
Tuniluunneq nutaaq aallartissanngippat Danmarkimi paaqqinnittarfiit killilersuiffigineqassanersut eqqarsaatersuutigineqarlunilu mianersoqqussutigineqarpoq.
Tuluit Nunaanni tuniluunneq nutaaq septembarimi paasineqaqqaarpoq. Tuniluutipilunnerlu novembarip naalernerani decembarillu aallartinnerani sakkortusilluni.
Tuniluunneq nutaaq covid-19-imit tuniluunnerugaluartoq toqqutigineqarsinnaanera ilimanaatikinneruvoq.
Virusilli allanngorarsinnaasarnerat nutaajunngitsoq ilisimatitsissutigineqarpoq
Uninngasut aatsaat taama amerlatigaat
Danmarkimi tuniluunneq kisiat annertusiartunngilaq, coronaviruserlutimmi napparsimmavimmut unitsinneqartartut amerliartorput, maannami 59-iniit 994-imut uninngasut amerleriangaatsiarput.
AAMMA ATUARUK Naalakkersuisut nunatsinnukarnissat unitsikkaat
Nunap ilaani napparsimmavinni uninngasut amerlingaarmata napparsimmavik inissaarunnissaa aarleqqutigineqarpoq.
Københavnimi Bispebjergip napparsimmavissuani peruluttut inaanni nakorsaaneq, Christian Wamberg taama naliliivoq.
