Danmarkimi coronamik tunillatsissimasut nutaat 155-iusut

Danmarkimi coronamik tunillatsissimasut ullut pingajussaannik 200-nit ikinnerusut.
Danmarikimi tuniluunneq qaangeriartorneqartoq, nappaatinut tuniluuttunut professori Eskild Petersen, Århusip Universitetiani Klinisk Medicin Institutimeersoq isumaqarpoq. Assi © : Yoshikazu Tsuno/AFP/Ritzau Scanpix
Allattoq Ritzau
juunip 22-at 2021 16:58

Coronamik tunillatsissimasut ullormi kingullermi 155-iusut, Danmarkimi Statens Serum Institutip kisitsisaataani marlunngormat takuneqarsinnaavoq.

Ullormi kingullermi coronamik toqquteqartoqanngilaq.

Napparsimavinni uninngasut 67-iusimagaluarlutik maanna 15-inik ikileriarsimapput. Tunillatsissimasut septembarip 20-iani taama ikitsigigamik, aatsaat taama ikitsigeqqipput.

Inuit coronaviruseqarlutik peruluttut uninngavianniittut 18-iupput, taakku ataasinngornermi uninngasunut naleqqiullugit ataatsimik amerleriarput. Uninngasunit 13-it anersaartuuteqartinneqarput.

Coronamik tunillatsissimasut nutaat ulluni pingasuni kingullerni 200-init ikinnerupput.

PCR-inik misiliuteqarnerit akunnerit kingulliit 24-t ingerlaneranni 71.648-iupput, taakkunanngalu 0,22 procentit tunillatsissimasuullutik.

Danmarikimi tuniluunneq qaangeriartorneqartoq, nappaatinut tuniluuttunut professori Eskild Petersen, Århusip Universitetiani Klinisk Medicin Institutimeersoq isumaqarpoq.

AAMMA ATUARUK Tamaat isigalugu: Coronavirus pillugu killiffik

Taamaammat nappaatinut tuniluuttunut siunissami qanoq periuseqartarnissamik pilersaarusiornissaq piffissanngortoq, taanna isumaqarpoq.

- Sapaatit akunnerni qaammatinilu tulliuttuni aggersuni ukiamut periusiussaagut. Delta-varianti Tuluit Nunaanni massakkut siaruaattoq ajornartorsiutaavoq, tunillatsissimasummi nutaat 90 procentii Delta-variantimik tunillatsissimasarput.

Danskit 3 millioniniit amerlanerusut coronavirusimut akiuussusersorneqaleruttorput, maannamullu danskit 1,6 millionit tamakkiisumik akiuussusersorneqareersimallutik.

Akiuussusersuinerup sunniutai kisitsisitigut takuneqarsinnaanngoriartortut Eskild Petersenip oqaatigaa.  

Ulluni kingullerni arfineq marlunni tunillatsissimasut 12,4 procentii 50-ileereersimasuupput. 50-ileereersimasut 91,6 procentii siullermeertumik akiuussuserneqareerput 50,7 procentiilu tamakkiisumik akiuussuserneqareerlutik.

- 50-ileereersimasut akiuussutisserneqarnerat sunniuteqalersimasoraara, taanna oqarpoq.

Inuit 402.568-it misiliigasuarnernik ullormi kingullermi tigusiffigineqarsimapput. Misiliigasuarnerniilli tunillatsissimasutut paasineqartut akiussutissartaat qularnarnerat pissutigalugu kisitsisinut nalunaarnersorneqarsimasunut ilaanngillat.