Danmarkimi atuartut ullumi atualeqqipput

- Ilinniartitsisunut uatsinnullu nuannerpallaarsimanngilaq. Sulererpianngilagut - eqqissisimaaginnarpugut, Salik Heilmann, Fynimi Glamsbjerg Efterskolemi atuartoq oqarpoq. Kalaallit efterskolemi atuartut sulisitsiumajunnaartoqarnerata kingorna sapaatit akunnerini siullerni marlunni ilaqutariinni attaveqaataasuniitinneqarput.

- Ilaqutariinni attaveqaataasuni susassaaleqillunga angerlarsimaannarpunga. Suliaqanngivippunga. Eqqissisimaaginnarpunga, Salik Heilmann nassuiaavoq.

Atuartut eqqissisimaarsinnarlutik ulapittussanngorput. Meeqqat atuarfinni soraarummeernissat kinguartinneqarsimagaluartut, atuartut allattariarsornikkut misilitsinnissaat siulleq sapaatit akunneri marluk qaangiuppata pisussaavoq.

- Atualeqqinnera iluareqaara, soraarummiigajalerpugulli, taamaammat angumeriniagassarpassuaqarpugut piareersangaatsiartussaallutalu. Puullaaqinassaqaaq, aamma akunnerit atuartitsiviusut ilaneqarsimapput, Maniitsuormiu Salik Heilmann, Danmarkimi ilanngutassiisartutsinnit, Martine Lind Krebsimit, oqaloqatigineqarluni taama oqarpoq.

Danmarkimi efterskolertut ataasiakkaat sulisitsiumajunnaarnerup kingunerisaanik atuarnertik unitsiinnartariaqarsimavaat, atoarfiilli kalaallinik atuartuutillit amerlanersaat ammaannarsimapput, amerlanernili atuartitsinissamik neqerooruteqartoqarsinnaasimanani.