Danmarkimi atuakkanik saqqummersitsinermi nunarput peqataavoq

Lene Therkildsen, Milik Publishingimi piginnittoq oqarpoq kalaallit saqqummersitsiviat ornigarneqarluarsimaqisoq siornamullu naleqqiullugu atuakkat Kalaallit Nunaanneersut tunisaalluarneroqisut. Nammineq siornamut naleqqiullugu tunisani marloriaatinngorsimanerarpai sualummillu ”Arnatsialaat” kiisalu Ole G. Jensenip atuakkiaa ”Glimt af Grønlands kultur” ingerlalluarput. Taakku saniatigut ”Ilaquttakka kalaallit nunaanni” Camilla Stephanip Qaanaami assilisaasa saqqummersinnerat alutorineqarluarpoq.

Milik Publishing aamma allasunnilaartumik arfininngornermi aaqqissuussivoq, Tine Bryldip ”Arnatsialaat” ilaat, Marianne Jensen, Bogforumimi arfininngormat ualikkut oqaloqatigimmagu. Atuakkanik saqqummersitsisartoq Lene Therkildsen oqarpoq inuit kalaallit saqqummersitsiviannut ussattorpassuit isiginnaagassiaq, ”Kalaallit Nunaannit qimaaneq” assut eqqaaqqajaasimagaat aammali oqaatigaa Kalaallit Nunaannut soqutiginnillutik saaffiginnittut imaaginnavissimasut. Danskit TV-qarfiisa ilaat DR2 kalaallit atuakkanik saqqummersitsiviisa takutitsiviannut orniguttunut ilaavoq. Saqqummersitsisarfiup Atuagkat Arqaluartaa Rosingip atuakkiaa Kassoq/Blå is tunilluarpaa. Lars Anker Møller Ammassalimmi piniartuuneq pillugu atuakkiornikuusoq aamma kalaallit takutitsivianni ilaavoq.