Danmarkimi annissakkut kræfteqalertartut amerliartorput
Annissakkut kræfteqalertartut illissap paavatigut kræfteqalertartunit amerlanerupput, annertunerusumik arnat 15-init 34-inut ukiullit nappaammik kræftimik eqqugaasarlutik.
Arnat kræfteqartut pingasuugaangamik ataaseq annissamigut kræfteqalertarpoq, tamatumunngalu pissutaanerarneqarpoq, seqerngup qinngornerinit qinngornernit Ultravioletinit pisut kræfteqalissutaasartut,
aammalu illup iluini palersartarfiit solariumit atorneqarnerisigut annissakkut kræfteqalersarneq aallaaveqarnerarneqarluni.
Qinngornerit UV-inik taaguuteqartut kræfte-qalernernut assigiinngitsunut marlunnut pilersitsisarput.
Annissakkut kræfteqalersarneq peqqarniitsumik inuunermillu ulorianartorsiortitsilluni nappaatigineqalertarpoq.
Ammikkut kræfteqalersarneq inuunermik ulorianartorsiorfiusanngilaq, taamaattorli qilerunititsisarluni.
Inuusuttut pingajorarterutaat parlersartarfinnut solarium-inut ikinnerpaamik qaammammut ataasiarlutik arlaleriarlutilluunniit palersariartarput Danmarks Radiup nutaarsiassaqartitsivia taamatut allaaserisaqarpoq.
