Danmarkimi aningaaseriviit ajornartorsiortut

Nunarsuatsinni aningaasaqarniarnikkut ajornartorsiornerup kinguneranik danskit aningaaseriviisa ilaat aamma ajornartorsiulerpoq.
Allattoq Elisa Isaksen
septembarip 22-at 2008 08:15

Aningaaserivik ajornartorsiulersoq tassaavoq: Ebh Bank, Fjerritslevimiittoq, taassuma ingerlaqqinnissaa anguniarlugu Nationalbankimiit aningaaserivinnillu allanit atukkeqqinneqartariaqarsimasoq, Danmarks Radiup nittartakkamini allaaseraa.

Ebh Bankip suliffeqarfiit ingerlatani tunissagai isumaqatigiissutigineqarpoq, taamaalilluni aningaaserivik tunineqarnissaminut piareersarniassammat.

Ritzauip allaaserisaa naapertorlugu banki aningaasaliisartoq alla, Saxo Bank, aamma sukaterisariaqalersimavoq. Tamatuma kinguneranik aningaaserivimmi sulisut 1000-iusut akornanni sulisut 340-t soraarsinneqartariaqalersimapput.