Danmarkimi aningaasanut inatsisissap allannguutaanik Inuit Ataqatigiit akuersitinnatik takoqqaarusupput
Aningaasanut inatsisissatut siunnersuut Folketingimi aqagu marlunngornermi septembarip ulluisa qulinganni siullermeerlugu oqallisigineqassaaq, decembarimilu akuersissutigineqarnissaa ilimagineqarpoq.
- Pitsanngorsarnikkavut pillugit ministerit assigiinngitsut ajunngivissumik oqaloqatigereerpakka, tamannalu nuannaarutigaarput. Paasiuarparpulli Danmarkimi aningaasanut inatsisissamut siunnersuummi tamanna takuneqarsinnaanngitsoq. Taamaamamt aalajangerpugut aningaasanut inatsisissamut siunnersuut taama isikkoqarallartillugu tapersersorusunnatigu, Sara Olsvig oqarpoq.
Kuupik Kleist ima oqarpoq:
- Sara Olsvigip taama aalajangernera soorunami tapersersorpara, pitsanngorsartikkusutavummi partiip ukiorpaalunni sulissutigereerpai.
Inuit Ataqatigiit Folketingimi sinniisuutitaat, Johan Lund Olsen, Nunat Killit Illersorniaqatigiivisa, NATO-p, inatsisartuisa ataatsimiinnerini peqataassaaq, aningaasanullu inatsisissamut siunnersuutip siullermeerneqarnerani Folketingip ataatsimiittarfianiissinnaanani.
Taamaammat Inuit Ataqatigiit isummatik Danmarkimi naalakkersuisunut allakkatigut nalunaaruteqarput.
