Danmarkimi angallanneq unilluinnarpoq

novembarip 01-at 2006 17:00

Danmarkimi ullumi anorersuarmat angallanneq unilluinnarpoq.

Ikaartarfissuup, Storebæltsbrop, nalunaaquttap akunnerini arfinilinni matoqqanerani, umiarsuit ilaasartaatit, qimuttuitsut biilillu uninngasariaqarsimapput.

Illoqarfinni arlalinni umiarsualiviit qarsunneqarput. Sjællandip avannaani sissakkut aqqut, kilometerinik arfinilinnik isorartussusilik, matuneqarallarpoq.

Qimuttuitsunut ilaasussat nikeriarsinnaajunnaaqqapput. DSB-p atortorissaarutai innaallagissamoortut, ikaartarfissuarmi Storebæltsbromi tingitaanngujoornertik pissutigalugu, atorneqarsinnaanngimmata qimuttuitsut dieselimik orsertakkat atorneqalerput, qimuttuitsullu tamatuma kingunerisaanik kinguaattoorput.

Øresundimi anorlerpallaaqimmat umiarsuaq Danmarkimiit Osloliartartoq 650-inik ilaasoqarluni Øresundimi oqqiffissarsiortariaqarsimavoq.