Danmarkimi angajoqqaatut oqartussaaffik oqallisaalerpoq

Angajoqqaat isumaqatiginngikkaluaraagamik avissimagaluaraangamilluunniit meeqqat pillugit suleqatigiittussaatitaapput.

Angajoqqaatut oqartussaaffiup avinneqartarnissaanik Danmarkimi eqqartuussiviit aalajangiisinnaatitaalernissaat anguniarlugu ilaqutariinnermut atuisarnermullu ministeri oktobarimi siunnersuuteqalersaarpoq.

Danmarkimi ataatat peqatigiiffianni ilaasortat nuannateqisut Meeqqat atugarisaannik suliniaqatigiiffimmiut siunnersuummut akerliupput.

- Suut tamarmik aaqqikkunnanngillat angajoqqaatut oqartussaaffiup eqqartuussivimmit aalajangiiffigineratigut, Meeqqat atugarisaannik suliniaqatigiiffimmeersoq siunnersuut pillugu taama oqarpoq nangillunilu;

- Qulaaniit naalakkiinertut tamanna oqaatigineqarsinnaavoq. Meeraq qitiutinneqanngilaq. Kinaluunniit qulaaniit naalakkerneqartilluni sumiluunniit aaqqiissuteqarsinnaanngilaq, Bente Boserup oqarpoq.

Angajoqqaatut oqartussaaffiit pillugit ataatsimiititaliaq misissuereerluni ilaqutariinnermut atuisartoqarnermullu ministerimut nalunaarusiaq tunniuteqammerpaat. Nalunaarusiami tassani allannguutissatut inassuteqaatit arlallit ilaapput, soorlu avitsinissamik siunnersuut.

Siunnersuut Lars Barfoedimit isumaqatigineqarpoq:

Taassuma inassuteqaatit tusarniaaffiginiarlugit nassiuteqqammerpai. Tusarniaasoqareerpallu oktobarimi Folketingimi pineqartoq eqqartorneqassaaq.

- Eqqartuussiviup aalajangiisussanngortinnginnerani angajoqqaat namminneq isumaqatigiinniarsinnaanerat taamaalilluni ammaanneqassaaq, Lars Barfoed oqarpoq.

Taamattu oqarneq Danmarkimi ataatat peqatigiiffiani oqaaseqartartup Lars Hansenip isumaqatigaa:

- Meeqqat sunngitsut akiniutigineqartarneri taamaalilluni atorunnaassagaluarpoq. Angajoqqaallu namminneq isumaqatigiissusiorsinnaanerat pitsanngoriassangatipparput, Lars Hansen naggasiivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat