Danskit aggustip naalernerani naammassillugu kapitissimalernissaat maanna naatsorsuutaavoq.Assi: Scanpix

Danmarkimi akiuussutissalersuinerit kinguaattooqqittut

Tyskit suliffeqarfiannit CureVacimit akiuussutissap aasap ingerlanerani atulerneqarnissaa naatsorsuutigineqarpoq.

Danskit 16-ileereersimasut tamarmik coronavirusimut akiuussutissamik kapitissimalernissaata naatsorsuutigineqarnera sapaatip akunneranik ataatsimik kinguarpoq.

Peqqissutsimut aqutsisoqarfiup pisortaa, Søren Brostrøm tusagassiortunik ataasinngornermi katersortitsinermi oqarpoq.

Danskit aggustip naalernerani naammassillugu kapitissimalernissaat maanna naatsorsuutaavoq.

Ukioqatigiiaat qassiiusut naatsorsuutigineqartumit sapaatip akunneranik marlunnilluunniit kingusinnerusumi kapitissasut, Peqqissutsimut aqutsisoqarfiup nittartagaani allassimavoq.

Innuttaasut 16-init 29-nut ukiullit aamma 35-nit 39-nut ukiullit akiuussutissalersuinermut pilersaarut malillugu sapaatip akunneranik kingusinnerusumi siullermeerlutik kapitissapput, 30-niillu 34-nut ukiullit siullermeertumik kapitinnissaat sapaatit akunnerinik marlunnik kinguaattuussallutik.

AAMMA ATUARUK Håber på total genåbning til september – men mange flere skal vaccineres

Kapuinerup naammassineqarnissaanut ulluliussaq sapaatip akunneraannaanik kinguartinneqarpoq, tassanilu ukioqatigiinni taakkunani siullermeertumik aappassaaneertumillu kapitinnerup akornanni piffissap sivikinnerulersinneqarsinnaanera pissutaasoq, Peqqinnissamut aqutsisoqarfik nalunaaruteqarpoq.

Timip imminut illersorsinnaanerulersinneqapallannissaanik qulakkeeriniarnermi taamaattoqassaaq.

Nunatsinni 18-ileereersimasunit ikinnerpaami 75 procentit aggustimi septembarimiluunniit kapitereersimanissaat naatsorsuutigineqarpoq.

AAMMA ATUARUK Múte B. Egede: Inuit 75 procentii akiuussuserneqaqqaassapput

Peqqinnissamut oqartussat tyskit nakorsaasiorfiannit CureVacimit, coronamut akiuussutissamut suli akuerineqanngitsumut naatsorsuutitik naleqqussarsimagaat pilersaarummi allassimavoq.

Akuussutissap juunimi atulersinneqarsinnaanissaa naatsorsuutigineqarsimagaluarpoq, "akiuussutissarli akuerineqassappat danskit akiuussutissalersuineranni aasap ingerlanerani aatsaat ilaalersinnaanissaa maanna naatsorsuutigineqalerluni".

EU akiuussutissamik akuersisuusussaavoq.

Danmark CureVacimit coronavirusimut akiuussutissap imassaanik 9,1 millioninik pisiniarpoq.

Akiuussutissaq taanna Modernamit PfizerBiontechimiillu akiuussutissat assigalugit marloriarluni kapisinermi atorneqartussaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat