Danmarkimi akerliullutik tigusarineqartut pinngitsuutitaapput

København-imi inuusuttut ornittagaata Ungdomshusip siorna piiarneqarnerani akerliussutsimik takutitsinermi tigusarineqartut 26-it eqqartuunneqarneranni pinngitsuutinneqarput.
Allattoq Louise M. Kleemann
marsip 14-at 2008 13:17

Tigusarineqartut taakkua siorna marsip ulluisa aallaqqaataani politiinut ujaqqanik milloornerisa kingorna tigusarineqarput.

Tigusarineqartut 26-it arlaannaalluunniit ujaqqanik milloorsimanngikkaluartut, eqqissiviilliortoqarnerani eqqissiviilliorfiusumit qimagussimannginnerat pillugu unnerluussisup pineqaatissinneqarnissaat piumasarigaluarpaa.

København-imi eqqartuussiviup Københavns Byret-ip unnerluussineq itigartitsissutigaa, pinngitsuutinneqarnerallu eqqartuussisumit atuarneqarmat, nuannanneqarpoq, soorlumigooq nunanut allanut unammisartut ajugaagaangata nuannannertulli nipitugisumik, nutaarsiassaqartitisivik Ritzau allappoq.

Unnerluutigineqartut tamarmik pinngitsuutinneqarnerat oqaatigineqarniariartoq eqqartuussivimmi tusarnaartut eqqartuunneqartullu nillerrapput nuannaarlutik.

Eqqartuussisoq eqqartuusseqataasullu marluusut tamarmik isumaqatigiillutik pinngtsuutitsinissamik aalajangiipput. Unnerluutiginittup eqqartuussinerup inernera Østre Landsret-imut ingerlateqqippaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq