Danmarkiliartitat filmiliarineqalersaarput

Danskeq filmiliortartoq inuusuttut meeqqallu 50-ikkunni danskisut ilinniariartortillugit Danmarkiliartinneqarsimasut pillugit filmiliornialersaalersoq, Sermitsiami allaaserineqarpoq.

Filmi »Den grønlandske elite«-mik taaguutilik Louise Friedbergip, 2005-imi Den danske Filmskolemiit soraarummeersimasup ilitsersuisuuffigaa.

35-nik ukiullip filmiliornermillu soqutigisallip Tine Bryldip atuakkiaa »Ajunnginnerpaamik isumaqarluta« atuaramiuk filmiliussalluni aalajangersimavoq. Kalaallit meeqqat 22-it 1951-imi angajoqqaaviniit peersillugit kalaallit pikkorissortaattut ilinniartinniarlugit Danmarkiliartinneqarsimasut atuakkami oqaluttuarineqarpoq.

- Atuagaq atuarakku tiguartilluinnarpunga. Taamaattoqarsimanera Danmarkimi ilisimaneqarpianngilaq, Louise Friedberg Sermitsiamut oqarpoq.

Filmiliassaq Tine Bryldip atuakkiianik filmiliarinninnerussanngilaq Louise Friedberg erseqqissaavoq.

- Uanga kalaaliunnginnama qallunaat ilaasa maani iliuuserisimasaat kalaallit tungaanniit isigalugit oqaluttuarisinnaanngilakka, filmiliortartoq oqarpoq.

Filmiliornermi tunngavissat allannerat suli naammassivissorsimanngilaq. Filmiliassamaataali Nuummi meeqqat angerlarsimaffianni, meeqqat ukiut pingajuat avillugu Danmarkimeereersimallutik inissitaaffigisimasaanni immiunneqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat