Danmarkiliarnermi nassatat imerpalasut killeqalissapput

Nassatanut puussianik Air Greenlandermiut ujallertuatsianngorput. Pissarsiariniarneqartut tassaapput puussiaaqqat literimik imaqqortussillit matusartullu. Puussiaaqqat pineqartut timmisartumi ilaasut Danmarkiliartut nassataannut imerpalasunik imalinnut puuliunneqartartussaapput.

Air Greenlandimi sulisoq ataaseq Danmarkimi puussianik pineqartunik maanna ujarlertinneqartoq Air Greenlandip pisortaanera Flemming Knudsen oqarpoq.

Timmisartuni Danmarkiliartaatini sillimaniarnermi malittarisassat, novembarip arfernaniit atuutilersumik sukannernerulersinneqassapput, tamatumalu kingunerisaanik nassatat imerpalasunik imallit, soorlu imeruersaatit, tipigissaatit, qaqorsaatit assigisaallu killeqalissapput, puussiamut literimik imaqqortussusilimmut matusartumullu immiunneqartalissallutik.

Malittarisassanik taama sukaterineq EU-mi timmisartunut ilaasut nassataqartarnerat pillugu sukannernerusunik malittarisassiortoqarneranik pissuteqarpoq.

Nassatanut imerpalasunik imalinnut malittarisassat sukannersut ilaasunut Danmarkiliartunut aappaagulu USA-mukartalersussanut atuutissapput.

Novembarip arfernata kingorna Danmarkiliartussanut nassatat pillugit paasissutissat Air Greenlandip nittartagaani sapaatip akunnerani uani atuarneqarsinnaalissaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat