Nutaamik umiarsualiortitsinissamut pilersaarut ukiut arlallit matuma siornali naammassineqareeraluarpoq. Danmarks Tekniske Universiteti nutaaliamik immallu 1 meteri angullugu issussusilikkut sikuatigoorutaasinnaasumik umiarsualiortitsinissamut titartaqqitassioreerpoq. Toqqorsivimmit assiAssi: arcticroute.com / Flickr

Danmark umiarsuarmik immami ilisimatusaammik nutaamik pisariaqartitsisoq

Danskit naalagaaffiata imarpimmi ilisimatusaatitut umiarsuatuaanik – Danamik ukiunik 38-nik pisoqaassusilimmik – ingerlatsineq akisuvoq taannalu ukialuinnarni suli atorneqarsinnaavoq, tamannalu Danmarkip Issittumi ilisimatusarnikkut kinguariarneranut pissutaavoq, Poltikken marlunngornermi taama allaaserisaqarpoq.

Nutaamik umiarsualiortitsinissamut aningaasanik immikkoortitsisoqarnikuunngilaq, Danmarkilu immami sikulippassuakkoorutaasinnaasumik nutaamik umiarsuartaanngippat Atlantikup Avannaata imartaani Kalaallit Nunaatalu eqqaani ilisimatusarnermut tapersiisinnaanngilaq – massa Issittup silap allanngoriartornerata malitsigisaanik piffissami matumanerpiaq ilisimatusarfiginissaa pingaaruteqaraluartoq.

Danmarkip immami ilisimatusarnermut sullissiviata tassa Dansk Center for Havforksningip Danmark immami ilisimatusaammik umiarsuaaruttussanngungajalernera ullumi oqallisaarutaasumi aarlerisaarutigaa.

- Danmarkip sunniuteqarsinnaanera annikilliartuinnavippoq, immamimi ilisimatusaammik umiarsuaqanngikkutta suliassarput pingaarutilik naammassisinnaanngilarput, tassa ilisimatusarsinnaanngilagut minnerunngitsumillu Danmarkip Issittumi ineriartortitsinermik pimoorussinera ersarissarsinnaanngilarput, oqallisaarummi taama allassimasoqarpoq.

Nutaamik umiarsualiortitsinissamut pilersaarut ukiut arlallit matuma siornali naammassineqareeraluarpoq. Danmarks Tekniske Universiteti nutaaliamik immallu 1 meteri angullugu issussusilikkut sikuatigoorutaasinnaasumik umiarsualiortitsinissamut titartaqqitassioreerpoq.

Titartaqqitassiaq ilisimatusarnermut ministereqarfillu oqaloqatigiissutigineqareerpoq, danskilli naalakkersuisuisa aningaasanut inatsisissatut siunnersuutaanni allassimasut naapertorlugit pilersaarutip timitalernissaata aallarnernissaanut umiarsualiortitsinissamullu aningaasanik immikkoortitsisoqarsimanngilaq. Tamannalu isumaalunnarpoq.

- Danmarkip issittumi naalagaaffeqatigiinnikkut siuttuunissi pimooruppagu ilisimatusarnermut tapersiisariaqarlutalu isumalluutit qularnanngitsumik siunissami amerlanerulerumaarsussat eriagisariaqarpavut. Taamaaliunngikkuttami russinut, kiinamiunut allanullu pissaanilissuarnut isumagitissavagut, taakkulu sorraatsumik inatsisaatsuliornermut eqqaanarsinnaasumik ingerlatseriaaseqarataannaapput, Aarhusip Universitetiani lektori DCH-mi siulittaasumut tullersortaasoq Peter Grønkjær Politikkenimut taama oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat