Danmark tyskinit tiguagaammat
Ullumikkut 91-inik ukioqarluni ullormi uani eqqaamasani ima oqaluttuarai.
- Tassa taamanikkut Seminariemi atuarpunga Jonstrup seminariemi, seminariet eqqannguaniikkami sakkutuut timmisartortarfiat.
Taamanikkut arferngup eqqaani iterpugut timmisartorpalussuarmik taavalu eqqarpaluttoqartoq.
Isumalioraluarpugut sungiusartut, misissuleratsigit paasivarput Danskiunngitsut tassa Tyskiussapput pukkeqalutik timmisartut ingerlaartut timmisartoqarfik eqqaatiitigalugu.
Allatut ajornaqimmat atisaliinnariarluta orpippassuarnut qimaavugut, taava orpippassuit akornatigut isiginnaarpagut taanna sakkotooqarfik eqqaakkaat. Maani arfineq marluk eqqaanni eqarunnaarmata arpalluta tuaviinnaq timmisartoqarfiliarpugut timmisartoq Danskit timmisartuat tyskit nakkartissimagaat, inuit pingasut toqunneqartut taakku timmisartuminngaaniit annikkaat.
Tassunga pillutalu Tyskit oqarfigaatigut erniinaq qimaassasugut, taava atuarfiliarpugut.
Christian Berthelsen 1941-mi ilinniarnermini naammassigami angerlarsinnaanngilaq.
Taamanikkullu kalaallit Danmarkimiittut ilaquttaminnit, qallunaallu Kalaallit nunaanniittut ukiuni tallimani attaveerupput.
- Suu tassa taamaalilluta attaveerutivippugut ilaqutatsinnut, allakkat soorunami aamma taaku takkutissaarput.
Marlussoriarlunga Røde Kors aqqutigalugu inuulluaqqutippunga tassa taanna uanga atassuteqaatigaara.
Kristian Berthelsen eqqaamasalersaarpoq.
Taamanikkut Kalaallit Nunaannut attaveqarneq kipineqarmat nutaarsiassanik avammullu attaveqarnerup pingaaruteqarluinnarnera eqqumaffigineqalerpoq, 1942-milu Kalaallit nunaata radioa aallakaatitsisalerpoq atuagassiarlu Grønlandsposten saqqummeqqaarluni.
