Danmark taamaatiinnarpoq
Nutaarsiassaqartitsivimmi Ritzauimi allaaserisat, aamma Danmarkimi tusagassiuutit arlallit naapertorlugit, Bella Centerimi isumaqatigiinniarnerit unittooqqapput, danskillu isumaqatigiinniartui unnuaq naallugu isumaqatigiinniaraluartut, ingerlariaqqittoqanngitsoorpoq. Taamaattumik silap pissusaata allanngoriartornera pillugu isumaqatigiinniarneq pillugu missingersuummik Danmark pisortatigoortumik ullup-qeqqata siorna saqqummiussisinnaangilaq.
Ataatsimeersuarnerup ingerlariaqqissinnaanera nunanit angisuunit siuarsarniakkanit sisamanit, tassalu Kinamit, Indiamit, Brasiliamit Sydafrikamillu akornusersorneqarpoq. Silami pillugu isumaqatigiissuteqarnissamik Danmarkip periusaa nunat sisamat taakku naammagittaalliutigisorujussuuvaat.
Nutaarsiassaqartitsiviup Ritzaui tusarfiisa ilaat oqarpoq, "pisoq naalliunnartoq". Tysklandimilu kansleri, Angela Merkel, aviisimit Jyllands-Postenimit issuarneqarpoq, oqarsimasoq "Københavnimiit nutaarsiassat ajorluinnartut".
