Danmark Sverigelu illersornissaq pillugu isumaqatigiissuteqartut

Isumaqatigiissuteqarnermi nunat sanileriit umiarsualiviutiminnik aammalu sakkutuut mittarfiinik atuisinnaalerput aammalu paasissutissanik paarlaasseqatigiittoqartassalluni.

Sverigemi illersornissamut ministeri Peter Hultqvist Sverigemi aviisimut Dagens Näringslivimut ima oqarpoq:

- Paasissutissanik paarlaassaqatigiittarnitsigut Øresundimi sunik pisoqartarnera ataatsimoortumik takusinnaalissavarput.

Danskit illersornissamut ministereqarfiata ilisimatitsissutigaa isumaqatigiissut sorsunneqartinnagu taamaallaat atuutissasoq. Danskit illersornissamut ministeriat Peter Christensen nutaarsiassaqartitsivimmut Ritzauimut ima allappoq:

- Ullumikkut illersornissamut politikkitsinni suleqatigiinnerunissarput aammalu ataqatigiissaarinissarput pisariaqarpoq. Taamaammat sanilerisatta Sverigemiut illersornissaq pillugu isumaqatigiissuteqarfiginerat aamma nuannaarutigaara, taamaaliornikkummi silaannakkut imaatigullu atortulersuutitsinnik atueqatigiissinnaanngussagatta.

Sverigep Danmarkip Sverigellu killeqarfiannik nakkutilliinermik eqqussineranit sapaatit-akunnerata aappaa avillugu qaangiuttoq Sverige Danmarkilu isumaqatigiissuteqarput.