Danmark suleqatigiissitamut ilaavoq

- Danmark nunat assigiinngitsut 20-t peqataaffigisaannut suleqatigiinnut ilannguppoq. Suleqatigiillu taakku ukiup ataatsip ingerlanerani sisamariarlutik tallimariarlutilluunniit arfanniarneq arfernillu eqqissisimatitsineq oqallisigisassavaat.

Taama oqarpoq Danmarkip arfanniarneq pillugu kommissaeria, Ole Samsing, Arfanniarneq pillugu Ataatsimiititaliarsuup 60-issaanik ataatsimiinnerani ullumi ammarneqartumi, Chilemi peqataasoq.

- Arfernik eqqissisimatitsiveqalernissamik aamma Kalaallit Nunaata arfattassinneqarnissaanik oqallinnerup saniatigut eqqissisimanerusumik suleqatigiinnissarput pisariaqartipparput.

Taamaattumik suleqatigiissitami peqataanissarput akueraarput. Sulinissarput ajornakusuussaqaaq, iluatsinnissaanullu qulakkeerisussaqanngilaq.

Isumaqarpugut isertuaatsumik oqallittoqartariaqartoq. Tamaattorli nunat tamarmik naaperiarfeqarnissamik taama soqutiginnitsiginngillat, Ole Samsing Ritzauimut taama oqarpoq.

Danskit isumaqatigiinniartuisa siuttuata taassuma arferit pillugit nunarsuaq tamakkerlugu suleqatigiittoqarnissaa pitsaanerpaasoraa.