Danmark suleqataanerusariaqarpoq
Suleqatigiinnissaq Danmarks Tekniske Universitetimit, DTU-mit, Industriens Fondenimillu tapersersorneqarpoq. DTU ilisimatusarneq pillugu tunniussaqassaaq, Industriens Fondenilu suliniutinut 4 millionit koruuninik aningaasaliissalluni.
Qallunaat kalaallillu suliffeqarfiutaasa kattunnissaat anguniagaavoq, suliffeqarfiit tamakku imminnut ikioqatigiissapput, pisiariniakkatik, namminneq iluatsissimanngisatik, taamaalillutik pissarsiarisinnaassallugit.
Sulisitsisut Peqatigiiffianni pisortaq, Brian Buus Pedersen, isumalluaqaaq:
- Kalaallit inuiaat aatsitassarsiornissaq siunissami sivisuumik nuannaarutigissappassuk, piginnaanngorsaanissamik ineriartortitsinikkut tamanna pisariaqarpoq, suleqatigiinnissarlu pingaarutilerujussuuvoq. Aatsitassaaruppammi puaatsoortoqarujussuassaaq, Brian Buus Pedersen aviisimut Politikenimut oqarpoq.
Dansk Industrimi pisortaaneq, Karsten Dybvad, isumaqarpoq, suliniutini angisuuni aningaasanik pissarsilluartoqarsinnaassasoq, suliassanut atortunik pilersuisussat amerlanerpaat atorfissaqartinneqassaqalutik.
- Assersuutigalugu, kalaallit suliffeqarfiutaat, svejserinermut immikkut ilisimasalik, qallunaallu suliffeqarfiutaat, ruujorinik sanaartortartoq, kattullutik suleqatigiilerpata, soorlu ruujorit nutaaliat issittumi qanoq ilillugit atorluarneqarsinnaanersut suleqatigiissutigissagaluarpaat, Karsten Dybvad oqarpoq.