Danmark Savalimiut Kalaallillu siulittaasooqatigiissapput

Danmarkip, Savalimmiut Kalaallit Nunaatalu naalagaaffeqatigiinnermi Issittumi Siunnersuisoqatigiinni upernaarumiit siulittaasunngornissaannut atatillugu ataatsimiittoqassaaq.
Allattoq Lotte Holm
marsip 31-at 2009 07:36

Imarsiornermi isumannaatsuunissaq, naalagaaffiup isumannaatsuunissaanik politikki silallu pissusaata allanngoriartornerata Issittumi inuunermi atukkanut sunniutai Folketingimi ullumi oqaluuserineqartussaapput.

Danmarkimi nunanut allanut ministeri, Per Stig Møller, oqallissaarummik ilaatigut saqqummiussissaaq, naalagaaffeqatigiit Issittumi Siunnersuisoqatigiinni siulittaasuunerminni siunertaat saqqummiunneqassallutik.

Naalakkersuisunut siulittaasuusimasut, Lars-Emil Johansen, aamma Jonathan Motzfeldt Nunatsinniit peqataassapput. Issittumi inuussutissarsiornerup ineriartornissaanut, takornariaqarnermut aatsitassanillu piiaanermut periarfissat Jonathan Motzfeldtimit saqqummiunneqassapput.

Naalagaaffiit arfineq-pingasut Issittumi Siunnersuisoqatigiinni ilaasortaapput. Naalagaaffeqatigiit Nunanillu Avannarlernit peqataasussat saniatigut USA, Canada Ruslandilu peqataatitaqassapput.