Assi: IA

Danmark Pituffik pillugu qanoq isumaqarnersoq IA Siumullu aperipput

Ullumi marlunngornermi decembarip aappaanni Folketingimi ilaasortat Atlantikup avannaaneersut siullermeerlutik ministeriunerup Helle Thorning-Schmidtip apeqqarissaarfigineqarneranut peqataasinnassapput.

Apeqqarissaartoqarnerani Johan Lund Olsenip Inuit Ataqatigiinneersup Greenland Contractorsip Pituffimmi kiffartuussinissamut isumaqatigiissummut ajorsarnera samminiarpaa.

Apeqqarissaarnermi partiit siulittaasui maannalumi aamma folketingimi ilaasortat Atlantikup Avannaaneersut apeqqutinik piareersagaariinngikkaluanik maanna oqallisaasunik aperinissaminnut peiarfissinneqassapput.

Aamma atuaruk Thorning-Schmidtip apeqqarissaarfigineqartarnera nunatsinnit peqataaffigineqartalissasoq

Ilaasortat Atlantikup avannaaneersut - nutaatut - ukiup kuartiani ataasiarlutik taama periarfissinneqartassapput.

Ministeriunermut Helle Thorning-Schmidtimut ullumi apeqqarissaarneq qanoq ingerlasimanersoq radioaviisini kingusinnerusukkut tusagaqarfigissajunnarsivarput.

Aamma atuaruk Danmarkip amerikamiut Thule pillugu kissaataat akueraa

Tamatuma saniatigut Johan Lund Olsenip Kalaallit Nunaat pillugu oqaaseqartartut Finn Sørensen Enhedslistenimeersoq aamma Anette Vilhelmsen SF-imeersoq peqatigalugit nunanut allanut tunngasunut ministeri Martin Lidegaard, Pituffimmi sullississinissamut isumaqatigiissut pillugu isumasioqatigiinnissamut aggersarpaat, tamannalu pissalluni decembarip tallimaanni.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl