Præsident Trump Kalaallit Nunaat pillugu: Danmark naleqqussarumaarpoq

Donald Trump USA-p præsidentiatut præsidentip illorsuani ivertinneqarnermi kingunitsiannguagut Kalaallit Nunaat pillugu aperineqarpoq.

Allattoq Ritzau

januaarip 21-at 2025 08:31

Nutserisoq Brian Jensen

- Kalaallit Nunaata pisiarerataarnissaanut Danmark naleqqussarumaarpoq.

Taama præsidentip illorsua tiguariallaataa inimit aamma taagunneqartumit Det Ovale Værelsemit Donald Trump oqarpoq.

- Kalaallit Nunaat tupinnartorsuuvoq, USA-llu illersornissaq eqqarsaatigalugu pisariaqartippaa. Tamanna qulakkeerlugu taama oqaaseqarfigisinnaavara, Trump tusagassiortut ilaasa aperimmani taama akissuteqarpoq.

Aamma atuarukTrumpip ivertinneqarnermini nunarput eqqaanngikkaa

Siuliani ivertinneqarnerminut atatillugu oqalugiaammini nunarput toqqaannartumik eqqaanngilaa.

Maannali præsidentip illorsuanit apeqqummi pineqartumi aperineqarami taama akissuteqarpoq.

SULIAQ NAATSUMIK

Donald Trump USA-mi præsidentit 47-ssaatut qinerneqarpoq. Taassuma nunatsinni aqutsilernissani soqutigalugu ivertinneqannginnermini oqaatigaa.

Taassuma oqarnera naapertorlugu tamanna USA-p sillimaniarneranut pisariaqarpoq. Tamanna Floridami Mar-a-Lagomi januaarip arfineq-aappaani tusagassiortunik katersortitsinermi oqaatigaa.

Tusagassiortunik katersortitsinermi tassani sakkutuulersornikkut nunatsinni aqutsilernissani mattunniarnagu oqaatigaa.

Naalakkersuisut siulittaasuata, Múte B. Egedep nunarput kalaallit pigigaat arlaleriarluni oqaatigaa. Taamaattorli naalakkersuisut USA suleqatiginerulerusukkaat oqaatigaa.

Danskit ministeriunerata, Mette Frederiksenip nunatta siunissaa pillugu aalajangiinerit tamarmik nunatsinni aalajngerneqassasut oqaatigaa.

Donald Trump Juniorip Nuuk 'takornariatut' januaarip arfineq-aappaani tikeraarpaa. Tikeraarnermini teqqianik MAGA-mik allassimasortalinnik agguaavoq, Nuummiunut ullup-qeqqasiortitsivoq inoqutinullu attaveqaatini saqqummiussassanik suliaqarluni.

Tamatuma kingorna angutaa nunatsinnut inuulluaqqussuteqarpoq, oqarlunilu "takuliivippugut".

Múte B. Egedep oqarnera naapertorlugu tikeraarnissamut tikilluaqqusaavoq.

Allisiguk

Nunarput kajumigineqarnera pillugu staministeri Mette Frederiksen aamma Donald Trump oqarasuaatikkut minutsini 45-ni ataatsimiipput.

Oqaloqatigiinneranni Donald Trumpip anguniakkaminik - siuliani eqqaagiikkaminik- akuersaarneqanngikkuni, Danmarkimi nioqqutissat tamalaanik akitsuusersuinissamik siorasaarunni attanniarpaa.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.