Danmark misissuisoqarnissaanut itigartitseqqippoq

Danmarkimi Naalakkersuisut CIA-p Nunatta silaannartaani timmisartuussisarsimaneragaanerannik misissuisoqarnissaanik itigartitseqqipput.
juunip 01-at 2011 11:40

- Naalagaaffiit Peqatigiit inuit pisinnaatitaaffiinut siunnersuisoqatigiivisa innersuuppaat qallunaat naalagaaffiata pitsaanngitsumik aamma ersernerluttumik suliaq suliarisimagaa. Danskit naalakkersuisui akipput taamaaliornissamut tunngavissaqanngitsoq. Tamanna isumaqarpunga naammaginanngitsoq, Juliane Henningsen oqarpoq.

Suut tunngavissaalersimangamik?

- Apeqquterpassuit suli akineqanngillat aamma kingullermi Wikileaks sammineqarmat paasinarsivoq ilaatigut atorfilittat qaffasissut nunarput pillugu peqqarniitsumik pissusilersorlutik suliaq naammassipallanniarsarisimagaat. Tamakkuluunniit oqaaseqarfigineqanngillat. Taamaattumik qinersereernerup kingorna suliaq qaqeqqinneqartariaqartoq isumaqarpunga, Juliane Henningsen oqarpoq.