Danmark kinguarsimavallaaqaaq

Issittumi ilisimatusarneq pineqaraangat Danmark kinguarsimaqisoq, Atlantikup avannaani suleqatigiit Folketingimi ilaasortaatitaat isumaqarput.

Aningaasanut danskit inatsisissaannut siunnersuummi suleqatigiit taama isumaqarnerat erserpoq.

Issittumi ataatsimoorluni ilisimatusarnissamut universiteti U-Arcticip suleqatiginissaanut aningaasanik immikkoortitsisoqarsimanngimmat Atlantikup avannaani suleqatigiit eqqumiigeqaat.

- Tamanna kukkunerusimassaaq. Issittumi Siunnersuisoqatigiinni Danmark ilaasortaavoq, nunallu tassunga ilaasortaasut tamarmik U-Arctic tapersersorpaat. Ilisimatusarfissuup U-Arcticip ingerlaannarnissaanut 4 millioni koruuninik ukiumut immikkoortitsisoqartarnissaa kaammattuutigaarput, Atlantikup avannaani suleqatigiit allapput.

Issittumi pissutsit paasisaqarluarfigerusullugit ilisimatusarnernut U-Arctic soqutiginnittorujussuuvoq.

Issittumut aappaagu 2007-mi ukioritinneqarnissaa eqqarsaatigalugu ilisimatusarnissamut Danmark tukkuippallaartoq, Atlantikup avannaani suleqatigiit aamma isumaqarput. Norge Canadalu tamarmik immikkut ikinnerpaamik100 millioni koruuninik aningaasaliisut Danmark taamarsuaq aningaasaliinianngilaq, amerlanerusunillu aningaasaliinissaa Atlantikup avannaani suleqatigiit kaammattuutigaat.