Danmark Islandimut ajugaassangatippaat
Islandimiulli aperigaanni ullumi unamminermi kikkut pitsaanerunersut, akisarput qallunaat pitsaanerusut, ajugaanissaallu ilimanarnerusoq.
- Unammersuarnermi qallunaat ajugaasussatut ilimagineqarnersaapput, taamaattumik ullumi unamminermi aamma ajugaasussatut ilimagineqarsinnaakutsoorlutik, islandimiut unammisartuat, Asgeir Örn Hallgrimsson oqarpoq.
Taassuma nunaqqataata, Snorri Gudjonssonip Qallunaat unammersuarnermi pissartanngorumaartut aamma ilimagaa.
- Qallunaat saassussisartuini arsartartut marluk pitsaasuupput aamma assersuisuini marluk pitsaasuullutik, taamaattumik uangut ullugissaartariaqarpugut Qallunaat ajugaaffigissagutsigit, Snorri Gudjonsson oqarpoq.
Islandimiut arsartuisa ilaat, Robert Gunnarsson, Paris Handball-imi unammiosartuusoq oqarpoq, ullumi unamminissaq Islandiunut pingaaruteqarluartoq ingerlaqqissagunik.
- Gruppemi siuttuunissarput suli angunngilarput taamaattoq normu to-jugutta ingerlaqqissinnaakutsoorluta, Robert Gunnarsson oqarpoq.
Danmarkip Islandillu unamminerat aallartissaaq nalunaaqutaq sisamanut tanneq pingasunngorpat, KNR-TV 2-kkullu taanna toqqaannartumik isiginnaarneqarsinnaalluni.