Danmark irakimiunut ajunngisaarnialerpoq

Irakimiunut Danmarkimi qimarngusunut Danmarkimi Naalakkersuisut sukangavallaarunnaarnialerput.

Irakimiut qimaasutut akuerineqaqqusut ilinniagaqartalernissaat aalakkersuisut ammaaffiginialerpaat, qimaasut taakku nunaminnut qaquussagaluarnersoq uterunik Irakimut sullissilluartunngorniassammata.

- Irakimiut assigiinngitsunik naleqquttumillu ilinniagaqarsinnaanissaat eqqarsaatigisariaqarparput, imaluunniit arlaannik suliaqarnissamut sungiusarlugit. Irakimummi qaquguussanersoq uterunik, nunaminnut kiffartuussilluarsinnaasariaqarput.

Ministeriuneq Anders Fogh Rasmussen tusagassiortunik sapaatip akunneranut pisarnini malillugu katersortitsinermini taama oqarpoq.

Qimaasutut akuerineqaqqusimagaluartut, itigartinneqarsimasulli, sulilu Danmarkimiittut, atugaat Christiansborgimi piffissami kingullermi oqaluuserineqangaatsiarsimapput, irakimiullu atugaat naalakkersuisunut ilaasortat amerlanerit isornartorsiorsimavaat.

Irakimiut suliffeqartariaqarnerat eqqartuussiveqarneq pillugu Venstrep oqaaseqartartuata, Birthe Rønn Hornbechip, ilaatigut siunnersuutigisimavaa. Tamannalu tassa ministeriunerup, Anders Fogh Rasmussenip, maanna tusaanialerunarpaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat