Danmark-imi ilinniagaqartut akilersinnaasunik inissaqartinneqarlik

Kalaallit Danmarkimut ilinniariartortut akilersinnaasaminnik inissaqartinneqarnissaasa, qulakkeerneqarnissaat pillugu Naalakkersuisut pilersaarusioqqullugit pisussaatinneqarnissaannik Inatsisartuni ilaasortap Demokraatineersup Astrid Fleischer Rexip siunnersuutaa, Inatsisartuni ullumi oqaluuserineqarpoq.

- Inissaqarniarnerup ajornartorsiutaanera Kalaallinit inuusuttunit Danmarkimi ilinniagaqartunit malugisimaneqaleriartorpoq. Amerlaqisut ineerannguani ajoqisuni akisoqisunilu inissittariaqartarput, Astrid Fleischer Rex ilaatigut taama tunngavilersuuteqarpoq. Erseqqissaatigaa inilunneq kiisalu akisuallaamik ineqarneq pissutigalugu saniatigut suliffeqartariaqartarneq ilinniakkamik aallussilluarsinnaajunaarnermik kinguneqarsinnaasartoq.

Astrid Fleischer Rexip siunnersuutaa inatsisartuni amerlanerussuteqartunit taperserneqarpoq taamaalillunilu Inatsisartut Kultureqarnermut ilinniartitaanermullu Ataatsimiititaliaanut ingerlaqqilluni.