Danmark eqqugaanerpaavoq
Ippassaq saassussisoqarneratigut qallunaat sakkutuui pingasut toqutaammata, Danmarkip sakkutuui nunami tassani sorsuffiusumi katillugit 21-t toqutaapput. Taakkunannga aqqaneq-marluk 2008-mi toqutaallutik.
Danmark taamaalilluni Afghanistanimi sakkutooqartitsisunit eqqugaanerpaavoq, tassa nunat qassinik sakkutuuliisimanerannut atatillugu.
Danmark 700-nik sakkutooqartitsinermigut, aqqaneq-marlunnik toqutaasoqarami USA-mit sisamariaammik toqutaasoqarneruvoq, Tuluit Nunaanni pingasoriaammik toqutaasoqarnerulluni aamma Canadamit aamma Hollandimillu marloriaatingajammik annaasaqarneruvoq.
Ukiormanna USA aamma Afghanistanimi 154-inik toqutaasortaqarnermigut annaasaqangaatsiarpoq. Talibanit sakkortusiartuinnartumik akerlilersuinerat tamatumunnga patsisaavoq.
Tamanna iliuuseqarfiginiarlugu Amerikami naalakkersuisut, sakkutuut Afghanistanimiititatik 2.800-nik ilaniarpaat. Aamma Amerikami præsidentinngortussap Barack Obamap Amerikamiut sakkutuuinik amerlanerusunik Afghanistanimukartitsiniarluni oqaatigereerpaa.
