Danmark: Dronning seqinnarissumi nalliussineqartoq
Folketiningip dronning Danmarkimi ukiuni 50-ini dronningiuneranik nalliuttorsiutiginninnerani Christiansborgimi Dannebrog erfalavoq, qilallu allaaqqilluni pujoqanngilaq nillataarlunilu.
Nalliuttorsiutigineqarnera pilersaarutaaqqaarsimasutulli annertutiginngilaq. Nalliuttorsiutiginninneq coronavirusimik tuniluuttoqarnissaanik pinaveersaartitsiniarneq pissutigalugu annikinnerutinneqarpoq, taamaammat nalliussinermi naalagaaffiup killia pillugu paasissutissiisoqarpoq Christiansborg Slotimilu nalliuttorsiorpalaartumik katerisimaartoqarluni.
Savalimmiuni aamma lagmand Bárður á Steig Nielsen tikeraartoq oqalugiassaaq tunissuteqarlunilu.
Dronningi Christiansborgimi nalliuttorsioqatigiittoqannginnerani naalagaaffiup killiffia pillugu paasissutissiinermi peqataavoq.
Naalagaaffiup killiffianik paasissutissiineq tassaavoq dronningip, ministeriunerup kiisalu ministerit allat akornanni ataatsimiinneq. Tamanna piffissami akuttunngitsumi aaqqissuunneqartarpoq, inatsisilernermilu naalakkersuisuinermilu suliaqarneramut atatillugu ilaasarluni.
Dronningip naalagaaffiup killiffianik paasissutissiineq ataatani kong Frederik den IX peqatigalugu 18-inik ukioqarluni peqataaffigeqqaarpaa.
Nunatsinni Naalakkersuisut siulittaasuat, Múte B. Egede (IA) aamma peqataasussaagaluarpoq – taassumali coronamik tunillatsissimanini pissutigalugu peqataanissani taamaatippaa.
Dronningip nunatsinnut tikeraarnera
Dronning nunatsinnut oktobarimi tikeraarpoq, tikeraarnerali sivikitsuinnaavoq. Taassumami juulip, aggustip oktoabarillu akornanni tikeraarnissani corona pissutigalugu kinguartinnikuuaa. Dronning Ilulissaniillatsiarpoq, tassanilu ilaatigut Knud Rasmussenip kinguaavi pulaarlugit.
Assi: Nukannguaq Geisler
Dronning tamatuma kingorna Nuummut ingerlaqqippoq, tassanilu Nuutoqqami eqqaassutissaq uleerlugu. Eqqaassutissaq taanna dronningip aataavata Dronning Alexandriallu 1921-mi tikeraarneranit eqqaassutissamiippoq. Dronning Paneeraq Siegstad Munkip biskoppinngortinneqarnerani aamma najuuppoq.
Tamanna Dronning Margrethep nunatsinnut tikeraarnerpassuanut ilaavoq. Dronning nunatsinnut 1960-imi tikeraaqqaarpiarpoq.
- 1960-imi 20-nik ukioqarpoq, ilinniarnertuunngorniarfimmilu ilinniakkannik naammasseqqammerlunga. Misigisaq angisoorujussuuvoq. Angajoqqaamma Kalaallit Nunaat eqqartortarnikuuaat, uangalu Knud Rasmussen pillugu atuagaqaalunnikuullunga. Tikeraarnissannut piareersimalluarpoq. Kalaallit Nunaannut tikeraakulanera nuannarisorujussuuara.
