Danmark aningaasarpassuarnik akiligassaqarpoq

Sakkutuut atortussaannut saffiukkanut Danmark peqqusersusaarsimavoq, akiliisitaasussanngorporlu. EU-mi eqqartuussivimmit tamanna aalajangiunneqarpoq. Sakkut, sakkutuullu atortui allat, illersornissamut atugassat, 1998-imiit 2002-mut, nassiussuunneranni Danmark peqqusersusaarsimasoq paasineqarpoq, maannalu tassa akiliisitaasussanngorluni.
decembarip 15-at 2009 07:42

Qassinerpiaq akiliisitaassanersoq suli ilisimaneqanngilaq, EU-p Luxembourgimi eqqartuussivissuata EU-Kommissionillu tamanna oqaatigiumanngilluinnarpaat, naak ilisimaneqalereeraluartoq nunat allat tallimat aamma akiligassinneqartussaasut. Nutaarsiassaqartitsivimmi Ritzauimi allaaserineqarpoq kvart millionit koruunit missaannik immaqa akiliissasut.

Nunat taakku tamarmik akiligassaat 73,5 millionit koruuniussangatinneqarput, erniaalli 175 millionit koruuniupput, tassalu imaalissalluni Danmark 250 millionit koruunit missaannik akiliisussanngortinneqarsinnaasoq.

Danmarkip utoqqatsissutigiuarsimavaa illersornissamut nunarsuaq tamakkerlugu maleruagassat akileraartartunit susassarineqanngitsut. Folketingimili Aningaasaqarnermut ataatsimiittaliap siorna 2008-mi aalajangerpaa tamakku allatut aalajangiivigineqassasut, tassa Danmark ajorsassagaluarpat aningaasat ataatsimiititaliap kontoanut toqqoqqaneqalerallassasut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq