Assi: Privat

Folketingimut qinigassanngortittoq: Danmark akisussaaffinnut tigusimasatsinnik ikiuutissaaq

Kalaallit Nunaata Danmark isumaginninnikkut, peqqinnissamut ilinniartitaanermullu susassaqarfinni qaninnerusumik suleqatigisariaqaraa, Suleqatigiissitsisunit Folketingimut qinigassanngortittoq, Louis Sigurdsen isumaqarpoq.

Danmarkimiit susassaqarfinnik tigusinani nunarput ilisimannittunik danskinillu ilisimatuunik soorlu nunatsinni peqqinnissaqarfinnut pissarsinerusariaqarpoq.

Tamanna soorlu Dronning Ingridiup Napparsimmavissuata Nuummiittup danskit napparsimmaviinik amerlanerusunik suleqateqarneratigut pisinnaavoq.

Louis Sigurdsen teologitut ilinniarsimasoq, Suleqatigiissitsisunilu allatsi, Folketingimut qinigassanngortittoq taama oqarpoq.

AAMMA ATUARUK Nunatta Danmarkillu akornanni oqaloqatigiinnerit illersornissamut ministerip pitsaanerunerarai

Louis Sigurdsen Folketingimut qinerneqassaguni nunatta danskinik ilinniarsimasunik atuinerulernissaanik pitsanngorsaaniarpoq tamannalu isumaginninnermut ilinniartitaanermullu kivitsissutaassaaq.

Nunattami ullumikkut akisussaaffigisaanut Danmarkimiit ikiorteqarnissaq pisariaqartoq qinigassanngortittoq isumaqarpoq.

Suleqatigiissitsisut Folketingimiititaqalissagunik nunatta namminiilivinnissaa partiitut kisiartaalluni sulissutiginianngilaa Danmarkilli suleqatiginerata qaninnerulernissaa sulissutiginiarlugu.

AAMMA ATUARUK Aleqa Hammond Folketingimut qinigassanngorteqqippoq

- Aqqutinik nutaanik naalagaaffeqatigiinnermi suleqatigiinnikkut, nukiit ataatsimoortillugit tamatsinnullu iluaqutaasumik, toqqissisimanartumik ataatsimoornermik pilersitsinissamik misissuisa, Louis Sigurdsen oqarpoq.

Partiili danskit ministeriunissaanik toqqaareernianngilaq. Partiilli Nunatta Qitornai Inuit Ataqatigiillu assigalugit qinersinerup kingorna isumaqatigiinninniarsinnaanerit apeqqutaatinniarpai.

AAMMA ATUARUK Folketingimut ilaasortap Savilimmiuneersup Mette Frederiksen statsministerissatut tapersersorpaa

AAMMA ATUARUK Bentiaraq Ottosen Folketingimut qinigassanngortittoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat