Danmark aamma Kalaallit Nunaat nunat allat suleqatigisarnerisa kiffaanngissuseqarnerusumik aaqqiivigineqarnissaa pillugu ataatsimiittut

Nunat allat suleqatigisarnerisa ineriartortinnissaat aamma niueqatigiinnikkut isumaqatigiinniarnermi Kalaallit Nunaat naalagaaffeqatigiinnnermi pissanganartumik inissisimavoq.

Naalakkersuisut siulittaasuata Múte B. Egedep aamma danskit statministeriata Mette Frederiksenip tamanna qanoq allannguiffiussanersoq ippassaq tallimanngornermi ataatsimiissutigaat.

-Ataatsimiinnermi nunat allat pillugit politikki annerusumik sammineqarpoq. Tamanna itinerusumik misissuiffigissavarput, Mette Frederiksen oqarpoq.

Qanoq allannguinissamik imaluunniit aaqqiisoqarnissamik ersarissumik oqartoqanngilaq.

Nunani allani naalakkersuisut siuttui Múte B. Egedep naapissavai.

-Nunani allani naalakkersuisut siuttui naaapinneqalerpata Danskit ambasadøriat peqatatigissavara.

-Taakkuupput ilaatigut uagutsinnit oqaasissaqarfissatuttaaq kissaatigineqartut, tassa Nuna ineriartortinneqassappat naleqassuseq inatsisitigut aamma akuersaarneqassasoq, Múte B. Egede taama imalimmik oqarpoq.

Danmark aningaasaliinissamik neriorsuisoq

Danskit naalakkersuisui Kalaallit Nunaata ineriartortinnissaanut aamma pilersornissaanut soorlu aqqusineqarnikkut, sarfap aqqutai attaveqaatillu allat naatsumik oqaatigalugu ataqatigiinnermut aaqqissuussinerit annerusumik iliuuseqarfiniarlugit piareernerarpaat.

Kalaallit Nunaanneersut aamma Savalimmiuneersut Mette Frederiksenip tallimanngornermi ataatsimeeqatigereerlugit taama nalunaarpoq.

-ilanngullugu oqaatigilaarusuppara uatsinnit -tassa danskit nunaanniit- suli aningaasaleeqqinnissamik kissaateqaratta.

Assersuutigalugu mittarfittaarsuup kissaatigineqartumik tallisinneqarnissaata timitaliisoqarnissaanik aningaasaliisoqassasoq, tusagassiortunik katsersuutsitsinermi Mette Frederiksen ilanngullugu oqaatigaa.