Danskit naalakkersuisui aamma kalaallit naalakkersuisui Danmarkimi angajoqqaat piginnaasaannik misissuisarnerit malitsigisaanik meeqqanik arsaaarinnittoqarsinnaasarnera pillugu ajornartorsiummik, aaqqiissutaasinnaasumik isumaqatigiissuteqarput.

Ineqarnermut aamma isumaginninnermut ministereqarfimmit taama tusagassiuutinut nalunaarput.

Angajoqqaat piginnaasaannik misissuisarnerit nunatsinni pissutsinut tulluussarsimanngineri isornartorsiugaapput. Kukkusumik meeqqanik arsaarinninnernik kinguneqarsinnaanera isornartorsiorneqarpoq.

-Naalakkersuisut isornartorsiutaasoq pillugu aaqqiisoqarnissaanik pingaartitsipput, nalornissutaasoq maanna Naalakkersuisut ataatsimut aaqqiissummik isumassarsisut tamannalu isumaqatigiissutaasoq, tusagassiortunut nalunaarutigaat.

Sapaammi matumani nalunaarutigineqartumi ersarissumik aaqqiisssut qanoq imeqarneranik nalunaartoqanngilaq.

Ineqarnermut aamma isumaginninnermut ministereqarfimmit inatsisissamik siunnersuutip qanoq imaqarneranik sapaatip akunnerata tulliani saqqummiisoqassasoq nalunaarutigineqarpoq.

Inuttut pisinnaatitaaffiit institutsianit nunami angajoqqaat piginnaasaannik misissuinerit pillugit atorunnaarsitsinissaannik siorna aasakkut 2024-mi kaammattuuteqarput.
Tamanna Københavnip kommuniani aamma Esbjergip kommuniani misissueriaatsimik atorunnaarsitsinermik kinguneqarpoq.

Eqqarsartaatsikkut, kulturikkut nutserisoqarnikkullu tulluussaasoqarnissaa ministereqarfimmit periarfissanik siumut kalaallit pillugit misissuisoqareerpoq.

Inatsisissatut siunnersuutip qanoq iluseqarumaarnera/imaqarumaarnera suli ersarissumik avammut saqqummiunneqanngilaq.

Kalaallit Nunaata naalakkersuisuata Múte B. Egedep, DR-ip paasissutissiinera naapertorlugu, misissueriaatsip nutartigassap piaartumik atorunnaarsinneqanissaanik siuliani inassuteqarpoq.