Dankortit nutaanik taarsertariaqalerput
decembarip 29-at 2004 11:25
Maanna piffissaq tassa kingulliuvoq Dankort assitallit nutaanik taarsernissaannut, pisoqqammi ulluni makkunani atorunnaartussaapput, Grønlandsbankip direktøria, Jesper Flensted Jensen ullumi oqarpoq.
Novemberi qaammammilu matumani Dankortit nutaat chipertallit 10.000-t inuttassaannut naassiussuunneqarsimapput, nutaamillu pisimanngitsut ajornartorsiuteqarunik aningaaserivimmut saaffiginnittariaqassasut direktøri oqarpoq.
Dankortit pisoqqat Danmarkimi aningaaseriveqaraanni nunatsiniluunniit aningaaseriveqaraanni tamanna apeqqutaatinnagu ukiup naanerani atorunnaartussaapput.
Spar Vest Bank tusarfigisinnaasimanngilarput dankortitoqalinnik qassinik sullitaqarnersoq.