Dankortinit tillissimasutut pasineqartoq

Nuummi angut 34-nik ukiulik tigusarineqarpoq Dankortinit chipitalinnit qulinit tillissimasutut. Dankortimi ataatsimi 50.000 koruunit tillissimagai pasineqarpoq.

Angut 34-nik ukiulik Nuummi suliffeqarfiit anginerit ilaanni allakkanik aallertartutut sulileqqammersimavoq, inuillu allagarsiaannit Dankortit chippitallit immikkoortittarsimavai. Kingorna pinkoditai tikikkaangata, taakku atorlugit aningaasanik tigusisarsimassasoq politiit pasivaat.

Akiliutinit tillinniarsimasorisaq Grønlandsbanki suleqatigalugu kinaassusersineqarluni sisamanngormat tigusarineqarpoq.

Politiit suli paasinngilaat tillitat qanoq annertutiginersut, tilliffigineqartulli katikkaanni 75.000 koruunit angumagaat, Nuummi politiit pisortaat Karl-Henrik Simonsen oqarpoq.

Tilliffigineqarsimasut annaasaminnik tamanik taarsiiffigineqassasut, Michael Petersen Grønlandsbankemiit oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat