Daniel Skifte: Qinersisoqarli
-Qinersisartut aperineqartariaqarput, iliornerput akueriumavisiuk, imaluunniit akueriumanngilisiuk, tassa politikkikkut suleriaaseq qangarsuarli atuuttoq, aamma uagut nalitsinni.
Atassummi siulittaasuusimasoq, aningaasaqarnermullu naalakkersuisuusimasoq Daniel Skifte oqarpoq. Suleqatigisarsimasaa illua’tungerisarsimasaalu Moses Olsen naalakkersuisunik naliliinera sallaannerunngilaq oqarpormi:-Malunnarpoq suut eqqortuuneri suullu aporfiusinnaaneri aalajangiinnginnermi misissoqqissaarneqarsimanngitsutut pissuseqartut.
Moses Olsen partiimik Siumumik pilersitseqataasoq arlaleriarlunilu naalakkersuisuusimasoq oqarpoq. Naalakkersuisulli inatsisartunut siulittaasuusorisimasaannit Bendt Frederiksen-imit illerneqarput, oqarpormi.
Isumaqarpunga eqqortoq anguneqassappat naalakkersuisut Danmarkimi kammeradvokatimik nalileeqqusisimanerat eqqunngitsuliornerunngitsoq, inatsisartunut eqqortoq tunniunneqassappat, eqqortoq sorpiarpiaasoq naalakkersuisut pissussaaffigivaat inatsisartunut nalunaarutigissallugu.
