Dan Kúnak Lund sunniuteqarluarpoq
Danskit inuiattut kørestolerlutik arsamik unammisartui Japanimi silarsuarmi pissartanngorniunnerni nr 6-nngorniutereerlutik Danmarkimut uterput.
Angusaqarluarnerannut Illoqqortoormiuneersoq Dan Kúnak Lund, sunniuteqarluarpoq, unammisartut sungiusaasuat Niels Rossing Radioaviisimut allappoq.
oktobarip 19-at 2007 15:42
Ajugaaniutivinnermut anngunniunnermi Belgia unammillugu Dan Kunak Lund isertinneqarsimanngikkaluarpat ajorsarnerusinnaagaluarlutik Danip akiuulluarnera iluaqutigalugu 4-0-iinnarmik ajorsarput.
Kørestolimik unammisartunut Dan Kúnak Lund, arsaannermi arsaaffiullu avataani, sungiusaasup oqaasii malillugit, kalaalerpallalluni nuannaartuunermigut illarumatuujunermigullu Danmarkimit angalatitanut tamanut qiimmassaasuusimavoq, aamma ajornartorsiulernerni.
Tamakkualu saniatigut nunarsuaq tamakkerlugu pissartanngorniunnermi målmanditut arsaqataalluarnermigut qiimmannartumik sunniuteqarluarsimavoq, sungiusaasoq Niels Rossing naggasiivoq.
