Dagrofap Pisiffimmi piginneqataassutai amerleqqipput
Greenland Venture A/S-ip Pisiffimmi piginneqataassutaanik 14,2 procentinik pisinermi kingorna Dagrofa A/S-ip piginneqataassutai 85,8 procentinngorput.
juunip 16-at 2010 07:27
- Pisiffimmi piginneqataassuteqarnerput iluarisimaaqaarput kissaatigisimalluguli piginneqataassutitsinnik tunisaqarnissarput taamaattumik Dagrofamit isumaqatigiissuteqarnikkut Pisiffimmi aktieaatitta 50 procentiinik tunisaqarnerput nuannaarutigaarput, Greenland Venture A/S-imi siulersuisuni siulittaasoq Vagn Andersen oqarpoq.
Greenland Venture A/S-ip tunisinermi kingorna aktietigut piginneqataassutai 14,2 procentinngorput, sulilu selskabep siulersuisuini ilaasortaatitaqaannassaaq.
