Dafurimi sorsuttoqaqqilerpoq

Sudanimi nunap immikkoortuani Dafurimi sorsuttoqaqqilerunarpoq.

Sudanimi naalakkersuisut nunat tamat sakkutuuliussaat Dafurimit aneqquaat, qimarnguimmullu qimaasut millionit pingajuata affaanik amerlassusillit Sudanimi naalakkersuisut namminneq nakkutigerusulerlugit.

Nunat tamalaat pillugit pissutsinik immikkut ilisimasallip Bjørn Møllerip tamanna ernumanarnerarpaa:

- Allaanngilaq suna tamarmi qaariaannaq, ilisimatusartoq Bjørn Møller oqarpoq.

Sudanimi sakkutuut Dafurimi innuttaasunik saassussisaqattaartarput, nunaqarfeeqqanik qaartitsisarput, toqoraasarlutik pinngitsaaliillutillu atoqateqartarlutik.

- Nunanut allanut qimaasut amerleriarnissaat innuttaasulluunniit suli sakkortunermik pineqartalernissaat ilimagisinnaavarput, Bjørn Møller oqarpoq.

Sudanip naalakkersuisuisa Dafurimi sakkutuutik 10.000-inik ilanialersaarpaat.

Ullut arlaqanngitsut matuma siorna Naalagaaffiit Peqatigiit Sudanimi sakkutuutik 20.000-inik ilaniarlugit neqerooruteqarnerat Sudanimi naalakkersuisunit itigartitsissutigineqarpoq.

- Dafurimi innuttaasut suli neriuutissaqalaarput. Sudanimi naalakkersuisut taama ajornasaarnermikkut imaassinnaavoq Naalagaaffiit Peqatigiinni siuttut tamaviaartinniarsariinnaraat, Bjørn Møller naggasiivoq.